" الدورة عشان اكون صادق وصريح احسن من الدورات اللي اخذتها من قبل واسلوب الاستاذ وشرحه بجذب الانتباه وبخلينا مركزين معه مش مثل باقي المراكز ، بصراحة في مدرب اخذت معه نفس الدورة كنت انام في المحاضرة من اسلوبه الممل واللي بزهق"

" في ناس اترقت من المهارات اللي اخدوها من الدورة قبل الامتحان لسة، حتى كيف بنفكر بالامور اللي بتواجهنا تغير، وانتو تدريبكم وكل اشي عندكم من معاملة وغيره بجنن، وما شاء الله عن عمر فش اشطر منه"

"صراحة بنصح اي شخص بدو فعلا يتأهل لامتحان يوخدها عند عمر عاصي لأنه إعطائه للمادة عملي وغير تقليدي" حاليا ترقيت ولاكون معك صريح، الدورة هي الي دعمتني بالمقابلة

" السبب الرئيسي اني اخدت الدورة معهم انو مش المهم بس الواحد ينجح بالامتحان، مهم كتير لما ينجح بالامتحان يقدر يطبق عأرض الواقع" من اهم الاشياء اللي وفرولي اياها بعد فهم المادة طبعا هو المحاكاة للامتحان لانو ساعدني على تحليل أدائي وفهم نقاط الضعف واركز عليها وانظم وقتي لاقدر اني اخلص بوقت قياسي وبالفعل خلصت وكان معي اكثر من نص ساعة اراجع"

"انا استفدت من الدورة الي بتقدمها أركان 100% ،اخدت الدورة قبل عند مركز ثاني بس ما حسيت ضافولي اشي وبعد شهر تركت الدورة، بس عند اركان من اول يوم بتحس كيف الشرح مميز وبختلف وما بتندم انك سجلت"

"لما الواحد يتعود ع اسلوب عمر في الشرح، مستحيل يقبل في اقل منه، اسلوبه مهني عملي سلس وواضح وجذاب. الحكي هاد بحكيه من خلال مقارنة مع تجربة سابقة في مركز أخرى في رام الله"

"لما قررت اطور حالي بعد ٣ سنين خبرة، خياراتي كانت متنوعة بس اخترت أركان من ناحية الخبرات اللي عندهم وهاد اكثر اشي ممكن يفيدني بشغلي مستقبلا، والمدرب كان عنده سهولة في ايصال المعلومة النا اللي ساعدتنا نستقي التجربة قبل ما نخوضها"

"التوصيات كانت كتير عالية لأركان لما قررت ادور عن مركز مختص اخد شهادة المحاسب الإداري المعتمد وتشجعت وفعلا ما كذبت خبر وتوجهت لهم، تجربتي كانت مميزة معهم من مواد، لشرح، لامتحانات، للأسئلة و أكيد للمدرب المتمكن بشكل مش طبيعي للمادة وهاد بنبع من واقع عمل الشركة".

"سالت الأصدقاء، الأقرباء والمعارف عن شركة اركان وكان في اجماع عن جودة الدورة ف بحثت ع الانترنت اكثر وتأكدت الصورة واخذت الدورة معهم. وفعلا المدرب شرحه كثير سهل و توصيله للمعلومة سهلة ايضا "

"التعامل لطيف جدا كان، الطاقم مهني وخضت معهم تجربة مهنية وعلمية مثل ما وعدوا، المدرب بعطيك الفكرة الصحيحة في قطاع المحاسبة علميا وعمليا. برضو انا جربت دورات سابقة دولية لكن ما كانت بتميز اركان. بوصلك الفكرة الموجودة في المادة من خلال اشي واقعي من خلال الربط بين السوق الفلسطيني والمادة".

"وانا بدور عن مكان اخد الدورة كنت متخوف من صعوبتها وانو ممكن اخسر وقتي ومالي في الموضوع. بس تفاجأت انو الاستاذ عمر عاصي خبير جدا بحيث انو من افضل المحاسبين اللي مروا علي بحياتي، كثير مبسوط من جمعه للخبرة العملية والاكاديمية في الشرح وهو يعتبر قدوة في المحاسبة".

"الدورة فرقت معي كثير في شغلي واستاذ عمر عنده اسلوب واضح مفصل ويعطي الشي حقه واكثر في الشرح، متابعة اركان مع الطلاب متميزة وعالية جدا والصراحة التحقت في دورات سابقة بس ما كان هيك بحيث ركزوا على الحضور، الاسئلة، التعويض والمواكبة في كل جزئية موجودة في الدورة".

"سجلت في اركان لاني بدي اطور قدراتي المحاسبية الإدارية لانقل الشغل اللي انا فيه نقلة نوعية و اطور عليه. طريقة الاستاذ عمر ممتازة في الشرح، هي خليط من تجربته وتجربة أركان لنكون قادرين نقدم الامتحان ونطبق عملي، وانا بحكي اي شخص يختار شركة اركان لجودة الخدمات العملية اللي بتقدمها اللي مش رح يلاقيها محل ثاني".

"عند اركان مش بس بتتعلم كيف تشتغل، بتتعلم كمان كيف تفكر صح".

"أركان مش عبارة عن شركة بس بتعطي دورات، هم بنقلوا ثقافة وجو اركان العائلي للمتدربين، بعطوهم إطار واضح للنجاح في ال CMA. والاستاذ عمر خلى الدورة اشي اكثر من اكاديمي، خلوها مرحة وممتعة للدراسة، المحاضرات مش مملة ابدا وهذا يعطي تعزيز لاي شخص يرجع يشوف شو في دورات ثانية عندهم ياخدها. بالإضافة أنه التكلفة بالنسبة للموظف بسيطة جدا ع جودتها وشموليتها لانو بعطو المادة كلها، الناتج اللي اخدته لا يذكر جنب التكلفة".

"انطباعي عن أول محاضرة كان ممتاز وفعلا عكس شو وعدوني قبل ما اسجل. كان الشرح عملي وهاد بكفي واي حدا بدو يوخد دورة أو خدمات لأي شركة أو مؤسسة يوخد عند أركان لانها امان".

"احسن اشي كان في الدورة انو استاذ عمر كان كتير فاهم المادة ووصللنا إياها بصورة كتير سهلة ندرسها بعده، والتكلفة اللي بندفعها للجزئين لا تساوي القيمة الحقيقية للي بنعطى".

"قررت اخد الشهادة لانها بترفعك من محاسب عادي ل اداري محنك، واخدتها مع اركان لانو اركان يعني عمر عاصي، يعني شخص داعك السوق ورح يعطيني عملي، جربت محاضرة تجريبية معهم بعد ما اخدت الدورة في مركز ثاني والفرق كان كبير لانو العملي ما حد بنساه وبساعد بالامتحان كتير".